அலமாரியும் புத்தகங்களும்

வரவேற்பறையிலேயே
புத்தக அலமாரியும் காலணி ரேக்குகளும்
நகரச் சந்தடி!

அலமாரியில் இல்லா புத்தகம்
தந்ததொரு படிப்பினை
இரவலுக்கல்ல புத்தகம்!

தீண்டப்படாமல் வருத்தப்பட்டு நிற்கும்
கண்காட்சியில் வாங்கிய
புத்தகங்களில் சில!

சமையல் புத்தகம்
அலமாரியில் சேருமா?
மனைவிக்கும் எனக்கும் சண்டை!

அலமாரியில் வைக்க முடிவதில்லை
வாசிக்க வேண்டிய
சில மனிதர்களை.

(20.08.2001)