"காணாமல் போனவைகளிடையே உன்னைக் கண்டேன்"

மேகம்-
தேனீ போல மாறுமென நீ சொன்னாய்
நத்தை போல ஊருமென நத்தை சொல்லியது

வானின் நீலத்தைக் குறைக்கிறது
அந்த ஒற்றை மேகம்

’நான் இல்லை’
'நான்' இன்றிப் 'பிறர்' இல்லை

ஒரு மேகத்திற்குள் இன்னொன்று மறைந்துவிடும்
அளவுக்கு அங்கே இடமிருக்கிறது

காற்றுக்குத் தெரியாது
எத்தனை அறைகளை நிரப்பியதென்று

வரும் வழியும் போகும் வழியும் வெவ்வேறு
ஒவ்வொருவருக்கும் வழி தனித்தனி

குளிர் படிந்திருக்கும்
யாருமற்ற படுக்கையில்

மதச்சுமையின்றி நடக்கும் குதிரை
வேகத்தைக் குறைப்பது புத்தகச்சுமை