விபத்தோரம் பட்டாம்பூச்சிகள்

பகிரச்செய்த தேநீர் கவனம் தாண்டி கொதித்ததால் கசப்பு
கூடுமிடத்தின் நேற்றைய விபத்து நெற்றியில் இல்லை
பண்டம் கேட்ட சிறுவனாய் நின்றவனுக்கு பட்டாம்பூச்சிகள்
சாகசமாகக் கடந்த ஆட்டமைதானத்தில் நிற்கவேண்டாம்

திக்குவாய் சத்தியங்கள்

கம்பளிப்பூச்சிகள் விழுந்த முருங்கைமரம் பூத்திருக்கிறது
சிறிய பூனை பற்றி ஏறிய இடங்களில் பிசின் வழிகிறது
மேல் வயிற்றில் இரத்தநீர் கசிந்து வந்த நகக்கீறல்கள்
எப்படியோ, நுழைந்த கூட்டத்தில் தெரிந்துவிட்டது